Utfordringa er å laga ei innretning som gjer at egget ditt overlever eit høgt fall mot bakken. Sjølve testinga går føre seg utandørs, så her kan du invitera vener med på konkurranse 
Forklaring under bileta.
Teikna eit ansikt på egget, og gjev det gjerne eit namn. Det gjer den opplevde innsatsen høgare, og er dessutan gøy i seg sjølv.
Bestem kva materiale som skal kunna brukast. Her er det brukt 1 A4-ark, 1 ballong, 1 pappkopp, litt hyssing og litt teip pr person. Du kan bruka andre ting om du ikkje har akkurat dette, bruk fantasien. Det blir for lett om ein har ubegrensa material.
Så er det å finna ut korleis ein skal bruka materialet ein har tilgjengeleg til å sikra egget best mogleg i fallet. Går du for fallskjerm? Hjelm? Airbag? Korleis festar du utstyret sikkert? Korleis regulerer du farten i fallet, eller kva veg egget kjem til å landa?
Kast egget frå eit vindauga i 2. etasje, ein balkong, ei låvebru, eller ein annan litt høg plass. Korleis gjekk det?
Her enda det tragisk for to av egga...
...det siste overlevde. I alle fall ei lita stund.
Alle foto: Signe Bondhus-Jensen, Kraftmuseet