Når var ”gamle dagar”? Korleis var det å veksa opp i Odda for 80 år sidan? Dette er spørsmål vi prøver å finna svar på i museumshusa i Folgefonngata.
Vi byrjar med å sjå biletspelet ’Borna på Bakke’, etterpå deler vi gruppa i to. Den eine gruppa får sjå foto frå Odda i samtid og fortid. Elevane får sjølve prøva å sjå og kjenna seg igjen i bybiletet. Den andre gruppa får ein tur i husværa frå 1910, 1920, 1930 og 1950. Etter ca 20 minutter byter gruppene plass.