Det går livleg føre seg inne i museet sine hus i Folgefonngata denne laurdagen i desember. Arrangementet er ein tradisjon, i 25 år har Museumslaget saman med NVIM, tatt på seg arbeidet med å gi generasjonar med Oddingar dette tilbodet før jul.
Og dei som var born då det heile starta, kjem no med sine born og er med på å halde tradisjonen i gong.
Samstundes er dei som hjelper til med aktivitetane og blitt ein generasjon eldre, og treng snart hjelp frå yngre krefter. Ein vonar at det skal finnast unge folk i Odda og regionen som kan tenkast å overta dette frivillige arbeidet. Er du glad i handarbeid eller snekring, og samstundes trivst med å arbeida med born, er dette kanskje noko for deg?
Det er ei god kjensle sånn rett før jul å sjå dei stolte små som har klart å snekra ein krakk eller laga dompapp til julatre.
Har du eit lag eller vil du gjera ein innsats saman med oss i Museumslaget, er du hjarteleg velkomen! Ta kontakt med anne@nvim for meir informasjon. Kanskje du var med som born ein gong i tida - og finn bilete av deg her:
