Då kan vi anbefala Kraftmuseet sitt digitale museum. Her kan du leite gjennom meir enn 17 000 foto av folk, stader og gjenstandar i Kraftmuseet si samling. Oppdagar du feil i tekstar, at biletet viser feil person, eller at du har fleire opplysningar, kan du skriva det inn i kommentarfeltet.
Slik kan eit søk på Kraftmuseet si side på digitaltmuseum sjå ut. (Klikk på biletet om du vil sjå sida).
Kva er digitaltmuseum?
Dette skriv KulturIT:
Digitaltmuseum er ein felles database over samlingar i norske og svenske kunst- og kulturhistoriske museer.
Tidlegare har museene sine katalogar ikkje vore tilgjengelege for publikum, anna enn enkeltvis ved utstillingar. Men museene sine samlingar er bygd opp for å gje ein breid dokumentasjon av, og grunnlag for forsking på vår kulturarv. Berre ein liten del av desse samlingane blir vist i utstillingar. DigitaltMuseum er eit tiltak som er sett i gong for å gje publikum breid og døgnopen tilgong til samlingane. Unntak er materiale eller katalogopplysningar som skal vernast med hensyn til personvern.
DigitaltMuseum er også ein viktig reidskap i museene sitt arbeid med å henta inn nye opplysningar, korreksjonar og utfyllande kommentarar til materialet i samlingane. Mange museer forvalter store fotosamlingar med begrensa opplysningar, og her bidreg no brukarane aktivt med opplysningar om kven som er avbilda og når, kor og i kva høve fotografia er tekne. På same måte kan brukarane leggja inn kommentarar med nye eller korrigerande opplysningar om gjenstandsmaterialet.
