Generatoren består i hovudsak av ein stator (del som står fast) og ein rotor (del som roterer inni statoren). Når vatnet har gitt turbinen mekanisk energi, vil akslingen få rotoren i generatoren til å gå rundt. Rotoren har spolar - koparviklingar - rundt ein kjerne av jern. Statoren er tilført magnetisme. Kvar gong ein spole går gjennom magnetfeltet, blir det indusert ei spenning. Når rotoren snurrar skjer dette gong på gong, og vi produserer vekselstraum med spenning på 12 200 volt. Denne blir ført til eit koplingsanlegg og går derifrå som høgspentstraum til ein trafostasjon. Her blir straumen transformert ned til den spenningen vi nyttar i husa våre.
Open generator før restuareringa. Foto: Harald Hognerud Kraftmuseet
Ein av dei store generatorane med doble turbiner under innbygginga kring 1918. Foto: Kraftmuseet arkiv
Generator 8 i startfasen. Foto: Kraftmuseet arkiv
