Bygget helsa besøkande velkomen med fasaden vendt mot fjorden. Foto: Harald Hognerud Kraftmuseet
AS Tyssefaldene hadde kontora sine i bygget fram til 1989, då dei flytta administrasjon og driftssentral til toppetasjane i den gamle kraftstasjonen.
Arkitektane Morgenstierne og Eide teikna administrasjonsbygget for utbyggjarane av den nye tida i 1914. Den symmetriske fasaden og dei klassisistiske trekka skulle visa alle som kom sjøvegen til Tyssedal kvar sentralen i industrisamfunnet var.
I anleggstida fungerte AS Tyssefaldene som politimakt. Frå 1916 var det tilsett ein poitibetjent og gjennom 60 år hadde politiet bolig, kontor og arrest i bygget.
Kraftmuseet tok bygningen i bruk i 1994. Han blei då restaurert i samråd med Riksantikvaren. Det er brukt opprinnelege puss- og malingsteknikkar i tillegg til nytt materiale og forsiktige endringar. Gro Lavold var arkitekt for restaureringa.
Kontoretasjen er bygd om til utstillingsrom, underetasjen har auditorium/filmsal og magasin for arkiv og gjenstandar. I toppetasjen der det før var leilegheiter, er det kontor, møterom og bibliotek.
Museet leiger bygget av AS Tyssefaldene.
ByBygget då det var nytt i 1914. Foto: Kraftmuseet arkiv
Midt på fasaden troner inngangen med nybarokk ornamentering. Foto: Harald Hognerud
Arkar og spir er malte som irra koppar. Foto: Harald Hognerud Kraftmuseet
Frå bygginga av administrasjonsbygningen i 1914. Foto: Kraftmuseet arkiv