Arbeidarboligane rett over gata for Murboligen i sentrum av Odda består av fem hus; Folgefonngata 9, 11 og 13 i tillegg til to uthus. Desse er dei eldste arbeiderhusa i Odda, bygde i samband med industrireisinga i 1908.
Uthuset Buen som høyrer til Folgefonngata 9 er biletspelsal og forsamlingslokale og kan leigast. Anlegget i Folgefonngata er eit vitnesbyrd om levde liv: lagnader, hardt arbeid, livsmot og trua på framtida. Anlegget var det første store restaureringsprosjektet museet gjennomførte. Fire av leilegheitene er innreia slik folk levde der på 1910- 1920- 1930- og 1950-talet. Klikk på biletet for å lesa meir om desse.
Museumshagen er ein idyllisk oase midt i sentrum. Foto: Harald Hognerud, Kraftmuseet.
I dag nyttar museet dei historiske husa på Bakke i hovudsak til undervisning, omvisingar og arrangement. Den årlege juleverkstaden finn stad på museumsanlegget i Folgefonngata.
Venelaget Kraftmuseets Venner nyttar Buen som samlingslokale.
Alle er velkomne til å setja seg ned i hagen. Vi tilbyr omvising og filmen 'Borna på Bakke' etter avtale.
I 2010 tok museet over det gamle laboratoriet på smelteverkstomta og bygd det om til KraftLaben vitensenter i samarbeid med VilVite i Bergen. Museet kjøpte også smia på smelteverkstomta i 2010 - som blei restaurert og som i dag er ei av dei siste industrismiene i Norden. I 2015 blei det oppretta ei vidaregåande linje for smedutdanning der, som den einaste i landet.
I det tidlegare nitrogenanlegget Lindehuset tilbyr Kraftmuseet forskjellege utstillingar kvart år. Foto: Anne Gravdal, Kraftmuseet
I 2019 inngjekk Kraftmuseet ein langtids leigeavtale på Lindehuset og vil saman med Ullensvang kommune utvikla det tidlegare industribygget. Kraftmuseet set opp utstillingar, konsertar og andre arrangement i bygget.
Utstillinga i Lindehuset 2020 var fotoutstillinga På veg, med foto av Knud Knudsen. I 2021 vert utstillinga ei ny oppleving. Foto: Anne Gravdal, Kraftmuseet
Buen møtelokale i museumshagen i Odda sentrum. Foto: Anne Gravdal Kraftmuseet
Bodil Honve og Harald Knutsson fortel i filmen "Borna på Bakke" om korleis det var å vaksa opp på Bakke. Foto: Kraftmuseet arkiv
