Verksemda dokumenterer industrihistoria og medverkar til forsking i arkivmaterialet. Industriarkivet skal utvikla og tilby digitale arkivtenester til næringslivet. Industriarkiv inneheld viktig informasjon om drift, tilsette, endringar og avgjerder verksemda gjer, og dokumenterer rettar og plikter verksemda har i høve til offentlege styresmakter og andre. Bevaring av privatarkiv er viktig for ein heilskapleg samfunnsdokumentasjon. Tilgjengelege industriarkiv gir tilgong til autentisk dokumentasjon av fortida. Sjølve bygget var tidlegare transformator og fordelingsstasjon for straum på smelteverket. Det vart bygd i 1906-08, utvida i 1913-14. I samarbeid med Odda kommune vart det restaurert og ombygd til arkiv i 2012-13.
Industriarkivet på smelteverksområdet i Odda. Foto: Harald Hognerud, Kraftmuseet
Industriarkivet i Odda, er ei felles satsing mellom Odda kommune og Kraftmuseet. Det treårige prosjektet (2014-17) var nedfelt i Museumsplan for Hordaland.
Siri Jordal med arkivhyller etter opninga då dei venta på å verta fyllte av dokument og arkiv. Foto: Harald Hognerud Kraftmuseet
Ordførar John Opdal kikker i tegningsarkivet frå Odda Smelteverk under opninga i 2014. Foto: Harald Hognerud Kraftmuseet
Industriarkivet med skalltaket. Foto: Terje Lægreid
